മടക്കയാത്രയില്ലാത്തിടത്ത്

ഇനി കൈകൾ വിരിച്ച്
നിങ്ങളെന്നെ ആലിംഗനം ചെയ്യുക.
ഇത്തിരി നേരമതിലമർന്ന്
നിന്നോട്ടെ ഞാൻ.

മടക്കയാത്രയില്ലാത്തിടത്ത്
ഒടുവിൽ ഞാൻ വന്നുവെന്നും
അവസാന വേർപിരിയലിന്
ശേഷവും വീണ്ടുമൊരു
കണ്ടുമുട്ടൽ സാദ്ധ്യമാണെന്നും
ഞാൻ വിശ്വസിക്കട്ടെ.

ഇനിയെനിക്ക് വിശ്രമിക്കാം,
നമ്മുക്കെല്ലാവർക്കും
ഒരുമിച്ചിരുന്ന് കഥകൾ
പറഞ്ഞോണ്ട്
ഒരു ചായ കുടിക്കാം.

ഒടുവിൽ വീടെത്തിയെന്ന്
ഞാൻ ആശ്വസിക്കട്ടെ.

↑

ഇനിയും വായിക്കാംPoems

എല്ലാം കാണാം
ചിരഞ്ജീവി ഞാൻ മരിക്കുമ്പോൾ നിങ്ങൾ കരയരുത്.
ജീവിതത്തിൽ നിന്ന് വീണു പോയവനെന്ന്
എന്നെക്കുറിച്ച് വിലപിക്കാൻ പാടില്ല
മരണത്തിനപ്പുറമള്ള താഴ്‌വരകളിൽ വീണ്ടും
കണ്ട്മുട്ടാമെന്ന് ഞാൻ വാക്ക് തരുന്നില്ല.
മരുഭൂമിയിലെ മഴയായോ, ചിത്രശലഭമായോ ഞാൻ
പുനർജനിക്കുമെന്ന് കരുതുന്നില്ല.
ഒന്നുമാത്രം നിങ്ങൾ ഓർത്ത്കൊള്ളക,
വായിക്കുക
അനുജൻ നീയെനിക്കാരാ..??
മൂത്തപുത്രനോ,
അതോ ആത്മസുഹൃത്തോ ?!
അമ്മയുടെ മറുരൂപമോ
അപ്പന്റെ ആൾരൂപമോ
ആയിരിക്കണം നീ.
അതുമല്ലെങ്കിൽ
ഞാൻ തന്നെയാകണം നീ.
വായിക്കുക
വെളിച്ചവുമിരുട്ടും ഒരുപക്ഷേ വെളിച്ചത്തിന്റെയും ഇരുട്ടിന്റെയും
മദ്ധ്യത്തിൽ നമ്മൾ വീണ്ടും കണ്ടുമുട്ടും.
നീയെന്നിലേക്കും ഞാൻ നിന്നിലേക്കും
ഓടിക്കയറാൻ നമ്മുടെ ഹൃദയങ്ങൾ
വെമ്പുന്നുവെന്ന് നമ്മുടെ കണ്ണുകൾ
ഉറക്കെ വിളിച്ച്പറയും.
ഓടിവന്ന് പരസ്പരം അമർന്ന്
കെട്ടിപ്പിടിക്കുമ്പോൾ, കോടാനുകോടി
വായിക്കുക
എല്ലാം കാണാം