നിങ്ങൾ

പുതിയ കുറിപ്പുകൾ ഒന്നുമില്ലേയെന്ന്
കുട്ടുകാർ ഇടക്കിടെ ചോദിക്കും.

ജീവിതഭാരങ്ങളിൽ
വരികൾ മറന്ന്പോയ
കവിതയാണ് ഞാനെന്ന്പ്പറഞ്ഞ്
വെറുതെ പരിഭവിക്കും.

പക്ഷേയാ ചോദ്യങ്ങൾ
ഇരുട്ടമുറിയുടെ വാതുക്കൽ
തട്ടണ റാന്തൽപ്പോലെയാണ്.
വെളിച്ചമകലെയല്ലെന്ന്
സദാ ഓർമിപ്പിക്കും.

അപ്പോൾ ഞാൻ വീണ്ടും
എൻ്റെ കറുത്തപ്പേനയെടുത്ത്
നിങ്ങളുടെ പേരുകൾ
നിരത്തിയെഴുതും.

അതുമതി
ഘനീഭവിച്ചു നിന്നുപോയ
ഞാനൊരു നിറഞ്ഞ
മഴയായി പെയ്യാൻ.

↑

ഇനിയും വായിക്കാംPoems

എല്ലാം കാണാം
ഏകാന്തതകൾ ഞാൻ ഏകനായിരിക്കുന്ന മുറി,
ഫാനിൻ്റെ ഇരമ്പലുകൾ.
മേശമേൽ എന്നെ നോക്കി വെറുതെയിരിക്കുന്ന
ലാപ്ടോപ്പും മൊബൈയിലും
അതിൽ കണ്ട് തീരാൻ കഴിയാത്രത്ത
സിനിമകളും പാട്ടുകളും.
പച്ചകുപ്പിയിലിരിക്കുന്ന വള്ളിച്ചെടികൾ,
ഞാൻ അല്ലാതെയുള്ള ജീവൻ്റെ
വായിക്കുക
മഴ പെയ്യുമ്പോൾ മഴ പെയ്യുമ്പോൾ വീട്ടു വരാന്തയിൽ
വെറുതെയിരിക്കണം,
ഇടക്കിടെ കുട ചൂടി ഇറങ്ങി നടക്കണം.
മഴ തോരുമ്പോൾ ചെടിയെല്ലാം നോക്കണം,
പിന്നെ കുഞ്ഞിനെ എടുത്തോണ്ട് നടക്കാൻ
പോകണം.
മഴയിൽ കുതിർന്ന് നിൽക്കുന്ന വഴികൾ
അവളെ കാണിക്കണം.
വായിക്കുക
വീണ്ടുമുണരട്ടെ പാതിരാത്രിയിൽ പ്രാന്തിനൊപ്പം
കവിത പൂക്കാറുണ്ടുള്ളിൽ,
പ്രണയത്തോളം മധുരവും
പ്രാണനോളം നനവുള്ളത്.
ഒരുമിച്ചിരുന്ന് പങ്ക് വെയ്ക്കുവാൻ
ആളില്ലാതെയായി പോയത്കൊണ്ട്
ഓർമ്മകളിൽ ഭ്രമണം ചെയ്യാൻ
ഇതിലും നല്ല നേരമില്ലാന്ന്
വായിക്കുക
എല്ലാം കാണാം