സ്നേഹിക്കുക

ഒരുനാൾ ഞാൻ മരണം പൂകും
പരിഭവം പറയാതെയിരിക്കുകയന്ന്,
അതിനാൽ സ്നേഹിക്കുക നാം
ആഴത്തിൽ വീണ്ടുമാഴത്തിൽ.

സമയമേറെയുണ്ടെന്ന് നിനക്കാതെ
കൈകോർത്ത് നടക്കാം
ഈ വനങ്ങളിൽ, ഒരുമിച്ചൊഴുകാം
ഈ പുഴകളിൽ ഈ പൂക്കളിൽ.

രാവിലുറങ്ങുമ്പോഴും
പുലരിയിലുണരുമ്പോളും
കണ്ണിലാഴത്തിൽ കോർത്തിടാം
ചുംബനങ്ങൾ.
പങ്കുവെക്കാം പ്രിയമുള്ളതൊക്കെയും
നമ്മളെ നാം പങ്ക് വെച്ചപോൽ.

ഒരുനാൾ മരണം കയറിവരും
ഒരുമിച്ച് പാടാം നാമന്നേരവും.
പിരിയുമ്പോൾ ഓർക്കുക
സ്നേഹിക്കുന്നു നാം പരസ്‌പരം
ആഴത്തിൽ വീണ്ടുമാഴത്തിൽ.

ഇനിയും വായിക്കാംPoems

എല്ലാം കാണാം
മഴകൊണ്ട് പൊള്ളലേക്കുമ്പോൾ മഴകൊണ്ട് പൊള്ളലേക്കുന്ന
ചില നേരങ്ങളുണ്ട് ഭൂവിൽ.
തണുപ്പായി പെയ്തിരുന്നവൾ
പൊടുന്നുനെ കാലചക്രത്തിൽപ്പെട്ട്
താപം പ്രവഹിക്കുന്ന
നിമിഷങ്ങളാണവ. നിശ്ബദമായി മിഴിയടച്ചവ
സ്വീകരിക്കുകയെന്നല്ലാതെ വായിക്കുക രാത്രിമഞ്ഞകൾ വൈകുന്നേരങ്ങളിലെ വിജനമായ
തെരുവിൽ ഞാൻ
പൊടുന്നനെയുള്ള തിരിവിൽ
കണ്ടുമുട്ടുന്ന പൂമരങ്ങളുണ്ട്. മഞ്ഞവെളിച്ചത്തിൽ
പൂത്തുനിൽക്കുന്ന ചുമന്നപൂക്കൾ.
നിമിഷാർദ്ധംകൊണ്ട് ഞാൻ
ഓർമ്മകളുടെ കാറ്റിൽ വായിക്കുക മറവികൾ കൊലചെയ്യപ്പെടുമ്പോൾ ഉറക്കമില്ലാത്തവന്റെ കട്ടിലിലാണ്
മറവികൾ ദാരുണമായി
കൊലചെയ്യപ്പെട്ടത്, പൊടുന്നനെയവൻ
ഓർമ്മകളാൽ വേട്ടയാടപ്പെടുന്നു. നായാട്ടുകാരന്റെ ഇരയെപ്പോലെ
ഇരുട്ടിന്റെ കയങ്ങളിൽ,
ഓർമ്മകളുടെ ഭാരവുമായവൻ
മല്ലിട്ട് പിടയുവാൻ തുടങ്ങുന്നു. വായിക്കുക
എല്ലാം കാണാം