ഉള്ളറകൾ

നിങ്ങളെ സ്നേഹിച്ചതുകൊണ്ട്മാത്രം
ഹൃദയം തകർന്നവരുടെ
ഉള്ളിലോട്ട് വീണിട്ടുണ്ടോ ?

അവരുടെ വേദനകളുടെ
ഉപ്പുവെള്ളത്തിൽ മുങ്ങിചാകാതെ
സൂക്ഷിക്കണം.
ഉള്ളിലെ ദുഃഖങ്ങളിൽപ്പെട്ട്
ഞെരിഞ്ഞമർന്ന് പോകാതെ
നോക്കുകയും വേണം.

പിന്നെയും അടിയിലോട്ട്
ചെല്ലുമ്പോൾ
അവിടെ ജീവൻ്റെ
തുടിപ്പും മയവും കാണാം,
സ്നേഹത്തിൻ്റെ ഈർപ്പമുള്ളയിടം.

അതിൽ തൊട്ട് നോക്കുക,
ചോര പൊടിയുന്നുണ്ടാവും
ആ അറകളിൽ.
സൂക്ഷിച്ച് നോക്കിയാൽ
നിങ്ങളുടെ പേര് കാണാമവിടെ.

ഓരോ തവണ നിങ്ങൾ
വേദനിപ്പിക്കുമ്പോളും
അവിടെയാണവർ ചുംബിക്കുന്നത്.
ആ ചുംബനങ്ങളിലാണ്
നിങ്ങളോടുള്ള സ്നേഹം
പിന്നെയും പിന്നെയും പൂക്കുന്നത്.

↑

ഇനിയും വായിക്കാംPoems

എല്ലാം കാണാം
ഒരുതരി വെളിച്ചം ഇപ്പോളൊന്നും എഴുതാറില്ലേന്ന്
അവളിടക്കിടെ വന്ന് ചോദിക്കും.
എഴുതാനാരോ ഉള്ളിൽക്കിടന്ന്
പിടക്കാറുണ്ടെങ്കിലും കാമ്പില്ലാത്തതെന്ന്
സ്വയം തോന്നലുള്ളത് കൊണ്ട്
മാറ്റി വെയ്ക്കാറാണ് പതിവെന്ന്
മറുപടിപ്പറയും ഞാൻ.
കാലമെപ്പോഴും സമയമനുവദിക്കണമെന്നില്ല,
വായിക്കുക
ഓർമ്മകളിലേക്ക് ഓർമ്മകളിലേക്ക് വീണ്ടും വീണ്ടും
തിരികെപ്പോകുന്ന മനുഷ്യരുണ്ട്.
രാവിലെയെണ്ണീറ്റ് ഒറ്റക്ക് കട്ടനിടുമ്പോൾ
ദീനം വന്ന് മരിച്ച ഭാര്യ നീനാമ്മയെ
പത്രോസേട്ടൻ ഓർക്കും. രാവിലെ
കട്ടനുമായിയവൾ വിളിച്ചുണർത്തുമ്പോൾ
ഇടക്ക് പറയുമാരുന്നു, “ഞാൻ പോയാലും
ഇയാൾ കട്ടൻ കുടി മുടക്കരുതെന്ന്.”
വായിക്കുക
ഞാനിനിയെന്ത് പറയും ഞാനിനിയെന്ത് പറയും നിന്നോട്?
കാത്തിരുന്ന വഴികളിലെ വെളുത്ത ലില്ലിപ്പൂക്കൾ
വാടിത്തുടങ്ങിയെന്നോ? അതോ നാം
നനച്ച വള്ളിച്ചെടികൾ വേരറ്റ് പോയെന്നോ!
ഉപ്പുകാറ്റുകൾക്കൊപ്പം കടൽത്തിര വറ്റിപോകുകയും,
ഈ വരണ്ടഭൂമി പിന്നെയും മരുഭൂമിയായെന്നും,
മഞ്ഞപ്പൂക്കൾ വിടർന്നൊരു അടുക്കളത്തളം
വീണ്ടും അനാഥമായെന്നും പറയട്ടെ?
വായിക്കുക
എല്ലാം കാണാം